wd wp Пошук: ⬜

Ганна Фенінгер

Ганна Фенінгер

Грамадзянства

Аўстрыя

Дата нараджэння

18 чэрвеня 1989 (32 гады)

Месца нараджэння

Зальцбург, Аўстрыя

Рост

166 зм

Вага

64 кг

Кар'ера

Клуб

Skiklub Hypo Hallein

Статус

спаборнічае

Медалі

Алімпійскія гульні
Золата	Сочы 2014	Супергігант
Срэбра	Сочы 2014	гіганцкі слалам
Чэмпіянат свету
Золата	Гарміш 2011	Суперкамбінацыя
Срэбра	Гарміш 2011	Каманда
Бронза	Шладмінг 2013	Гіганцкі слалам

Вынікі

Кубак свету

Дэбют у Кубку свету	11 лістапада 2006 года
Перамогі на этапах Кубка свету	4
Лепшае месца ў агульным заліку	3 (2012/13)
Хуткасны спуск	6 (2010/11)
Камбінацыя/суперкамбінацыя	6 (2009/10)
Супергігант	3 (2011/12, 2012/13)
Гіганцкі слалам	2 (2012/13)
Слалам	39 (2008/09)

Пазіцыі на подыуме	1	2	3
Хуткасны спуск	0	0	2
Супергігант	1	4	4
Гіганцкі слалам	3	2	1

Апошняе абнаўленне: 9 сакавіка 2013

Ганна Фе́нінгер (ням.: Anna Fenninger, нар. 18 чэрвеня 1989, Зальцбург, Аўстрыя) — аўстрыйская гарналыжніца, алімпійская чэмпіёнка зімовых Алімпійскіх гульняў 2014 года ў супергіганце і сярэбраны прызёр у гіганцкім слаламе, чэмпіёнка свету 2011 года ў суперкамбінацыі, пераможца этапаў Кубка свету. 4-разовая чэмпіёнка свету сярод юніёраў.

Спартыўная кар’ера

У 2006 годзе на чэмпіянаце свету сярод юніёраў у Квебеку выйграла два золата (супергігант і камбінацыя) і адно срэбра (хуткасны спуск).

У 2008 годзе ў іспанскай Фармігале зноў заваявала 2 золата (камбінацыя і гіганцкі слалам) і адно срэбра (супергігант) юніёрскага чэмпіянату свету. На наступным чэмпіянаце свету сярод юніёраў 2009 года ў Гарміш-Партэнкірхене выйграла бронзу ў супергіганце. 7 узнагарод юніёрскіх чэмпіянатаў свету робяць Фенінгер адной з самых тытулаваных спартсменак у гісторыі гэтых турніраў.

У Кубку свету Фенінгер дэбютавала ў 2006 годзе, у студзені 2009 года ўпершыню трапіла ў тройку лепшых на этапе Кубка свету ў супергіганце. 28 снежня 2011 года атрымала сваю першую перамогу, выйграўшы гіганцкі слалам ў Ліенцэ. Лепшым дасягненнем Фенінгер у агульным заліку Кубка свету з’яўляецца трэцяе месца ў сезоне 2012 /13.

На Алімпіядзе 2010 у Ванкуверы стартавала ў трох дысцыплінах, ні разу не трапіўшы ў лік 15 лепшых: хуткасны спуск — 25-е месца, камбінацыя — 16-е месца, супергігант — 16-е месца.

На чэмпіянаце свету 2011 года ў Гарміш-Партэнкірхене выйграла золата ў суперкамбінацыі (пры гэтым на этапах Кубка свету да таго моманту Ганна ні разу не трапляла нават у тройку лепшых у гэтай дысцыпліне), а таксама срэбра ў камандзе. У 2013 годзе на чэмпіянаце свету ў Шладмінгу стала трэцяй у гіганцкім слаламе.

Выкарыстоўвае лыжы і чаравікі вытворчасці фірмы Head.

Ганна на зімовых Алімпійскіх гульнях

Алімпійскія гульні	Хуткасны спуск	Супергігант	Гіганцкі слалам	Слалам	Камбінацыя
2010 Ванкувер	25	16	—	—	16
2014 Сочы	DNF				8

Перамогі на этапах Кубка свету (5)

На 29 снежня 2013 года

№	Сезон	Дата	Месца	Дысцыпліна
1	2011/12	28 сне 2011	Ліенц	Гіганцкі слалам
2	2012/13	28 сне 2012	Земерынг	Гіганцкі слалам (2)
3		3 сак 2013	Гарміш-Партэнкірхен	Супергігант
4		9 сак 2013	Офтэршванг	Гіганцкі слалам (3)
5	2013/14	28 сне 2013	Ліенц	Гіганцкі слалам (4)

Зноскі

Спасылкі

Афіцыйны сайт
Ганна Фенінгер — статыстыка на сайце FIS (англ.)
Ганна Фенінгер — алімпійская статыстыка на сайце Sports-Reference.com (англ.)