Ганна Андрэеўна Язубчык[1] (1 снежня 1904, вёска Лядцо, Пухавіцкі раён, Мінская вобласць — 2 снежня 1975) — беларускі вучоны ў галіне сельскай мікрабіялогіі. Доктар сельскагаспадарчых навук (1962).
Скончыла Беларускую сельскагаспадарчую акадэмію ў 1930 годзе. З 1935 года ў Інстытуце біялагічных навук АН БССР (у 1939—1941 гадах дырэктар). Удзельніца партызанскага руху ў Беларусі пад час Другой сусветнай вайны. У 1944—1945 гг. на пасадзе дырэктара Навукова-даследчага аграглебавага інстытута Акадэміі навук БССР[2]. З 1945 г. загадчык лабараторыі мікрабіялогіі Інстытута сацыялістычнай гаспадаркі (з 1956 г. — НДІ земляробства АН Беларусі). У 1969—1974 гадах у Беларускім НДІ глебазнаўства і аграхіміі.
Аўтар шматлікіх прац па глебавай мікрабіялогіі.