У Вікіпедыі ёсць артыкулы пра іншых асоб з прозвішчам Фадзеева. Галіна Іванаўна Фадзеева (нар. 18 ліпеня 1923, станцыя Нянь-Цзы-Шань, КУЧ, Кітай) — беларускі архітэктар.
Скончыла ў 1947 годзе Новасібірскі інжынерна-будаўнічы інстытут. У 1947—1967 гадах працавала ў інстытуце «Новасібграмадзянпраект». У 1967—1983 галоўны архітэктар праектаў інстытута «Мінскпраект»[1].
Член Саюза архітэктараў СССР з 1951 года. Пражываў у Мінску[2].
Асноўныя работы: генеральныя планы Новасібірска, шэрагу сярэдніх і малых гарадоў Новасібірскай вобласці (1947—1967), Мінска[1] (1967—1983; усе ў сааўтарстве), галіновыя праекты развіцця гарадской гаспадаркі (1972—1976)[2]. Аўтар праектаў арганізацыі і планіроўкі гарадскіх зон адпачынку «Зялёны дыяметр» (1975), планіроўкі і будаўніцтва жылых раёнаў па вул. Валгаградскай[2], Зялёны Луг 6—8 (1975), Уручча 1—3 (1977) у Мінску[1].
Прэмія Савета Міністраў СССР (1985) за распрацоўку генплана Мінска на 2000 г. (1982)[2].