Габрыэле Мюнтэр (ням.: Gabriele Münter; 19 лютага 1877, Берлін — 19 мая 1962, Мурнау-ам-Штафельзэ) — нямецкая мастачка і графік, прадстаўніца экспрэсіянізму. Уваходзіла ў «Новае Мюнхенскае аб’яднанне» (N.K.V.M.), а пасля ў аб’яднанне «Сіні вершнік». Шматгадовая сяброўка Васіля Кандзінскага, Мюнтэр захоўвала значную частку яго прац у перыяд Другой сусветнай вайны і гады пасля яе і адкрыла іх для агульнага доступу разам з фотаархівам «Сіняга вершніка» і сваімі ўласнымі карцінамі.