У Вікіпедыі ёсць артыкулы пра іншых асоб з прозвішчам Міхайлаў.
Віктар Паўлавіч Міхайлаў (13 снежня 1949, Вілейка, Мінская вобласць — 20 лютага 2001) — беларускі фізік. Доктар фізіка-матэматычных навук (1989), прафесар (1994).
Скончыў Беларускі дзяржаўны ўніверсітэт (фізічны факультэт, 1972).
Працаваў у Інстытуце электронікі АН БССР (1972—1974, стажор-даследчык), Беларускім дзяржаўным універсітэце (1974—1993, Навукова-даследчы інстытут прыкладных фізічных праблем імя А. Н. Сеўчанкі, навуковы супрацоўнік, з 1990 — загадчык лабараторыі), Беларускім нацыянальным тэхнічным універсітэце (з 1993, Міжнародны лазерны цэнтр, у 1993—1999 — дырэктар цэнтра, адначасова прыборабудаўнічы факультэт, кафедра «Лазерная тэхніка і тэхналогія», у 1996—2001 — загадчык кафедры).
Памёр 20 лютага 2001 года, пахаваны ў г. Ньютан, штат Масачусетс, ЗША.
Навуковыя інтарэсы: лазерная фізіка.