wd wp Пошук:

Віктар Антонавіч Бобрык

У Вікіпедыі ёсць артыкулы пра іншых асоб з прозвішчам Бобрык. Віктар Антонавіч Бобрык (нар. 8 студзеня 1949, Мінская вобласць) — беларускі архітэктар.

Біяграфія

Скончыў у 1972 годзе архітэктурны факультэт Брэсцкага інжынерна-будаўнічага інстытута. У 19721973 гадах служыў у Савецкай Арміі. У 19731974 гадах архітэктар у праектным інстытуце «Мінскпраект», у 19741976 гадах у інстытуце «Магілёўграмадзянпраект»; у 19761987 гадах у інстытуце «Белмясцпрампраект» (старэйшы архітэктар, вядучы архітэктар, кіраўнік групы архітэктараў); з 1987 года ў інстытуце «Мінскграмадзянпраект» (кіраўнік групы, галоўны архітэктар праектаў). З 1992 года кіраўнік УП «ТМ архітэктара Бобрыка В. А.».

Член Беларускага саюза архітэктараў з 1982 года. Член Савета Беларускага саюза архітэктараў.

Творчасць

Аўтар больш за 50 рэалізаваных праектаў, найбольш значныя: Рэспубліканскі клінічны цэнтр па вул. Энгельса, 25, 27; Цэнтр камерцыйных сувязяў «Вікторыя» па пр. Пераможцаў; Тэнісныя корты са стварэннем комплекснага спартыўнага гарадка па вул. Жудро, 40 (усе ў Мінску); Дзіцячы аздараўленчы лагер «Загор’е»; рэстаран «Азёрны» на возеры Нарач.

Узнагароды

Удзельнік Міжнародных і рэспубліканскіх конкурсаў. Лаўрэат Міжнароднай Асацыяцыі Саюза архітэктараў IV Міжнароднага конкурсу за праект «Цэнтр паруснага спорту на паўночным беразе Мінскага мора» (1995). Узнагароджаны дыпломам выстаўкі «Інтэрархітэктура-2000» у г. Сафія (2000); дыплом выстаўкі ў г. Фларэнцыя, Італія (2003); граматай чацвёртага Расійскага фестывалю «Дойлідства — 96» (1996); дыпломамі рэспубліканскіх конкурсаў лепшых архітэктурных твораў (1993, 1995, 2005, 2009). Пераможца рэспубліканскіх творчых конкурсаў з праектамі: «Гандлёва-дзелавы цэнтр у г. Баранавічы» − 1 месца (1996) і «Рэканструкцыя пансіяната „Свіцязь“ Навагрудскага раёна» — 1 месца (2009). Узнагароджаны граматай Чацвёртага Расійскага фестывалю «Дойлідства—96» (1996); дыпломам дзяржаўнага Камітэта Беларусі па справах будаўніцтва і архітэктуры (1995); медалём Саюза архітэктараў Беларусі за развіццё архітэктуры Беларусі і актыўную грамадскую дзейнасць (2005); медалём і дыпломам I ступені на рэспубліканскім аглядзе-конкурсе за праект «Адміністрацыйна-грамадскі комплекс з гаражом стаянкай па вул. К. Цэткін у г. Мінску» (2009).

Літаратура

Тэмы гэтай старонкі (20):
Катэгорыя·Выпускнікі Брэсцкага дзяржаўнага тэхнічнага ўніверсітэта
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Артыкулы пра архітэктараў без партрэтаў
Катэгорыя·Архітэктары XX стагоддзя
Катэгорыя·Вікіпедыя·Ізаляваныя артыкулы/сірата0
Катэгорыя·Супрацоўнікі Мінскграмадзянпраекта
Катэгорыя·Артыкулы пра архітэктараў без ілюстрацый на Вікісховішчы
Катэгорыя·Архітэктары паводле алфавіта
Катэгорыя·Супрацоўнікі Белпрамбудпраекта
Катэгорыя·Супрацоўнікі Магілёўграмадзянпраекта
Катэгорыя·Нарадзіліся ў 1949 годзе
Катэгорыя·Архітэктары Мінска
Катэгорыя·Нарадзіліся ў Мінскай вобласці
Катэгорыя·Супрацоўнікі Мінскпраекта
Катэгорыя·Члены Беларускага саюза архітэктараў
Катэгорыя·Вікіпедыя·Біяграфіі сучаснікаў
Катэгорыя·Архітэктары Беларусі
Катэгорыя·Нарадзіліся 8 студзеня
Катэгорыя·Асобы
Катэгорыя·Архітэктары XXI стагоддзя