wd wp Пошук: ⬜

Віктар Іосіфавіч Піятроўскі

У Вікіпедыі ёсць артыкулы пра іншых асоб з прозвішчам Піятроўскі. Віктар Іосіфавіч Піятроўскі (1855 — 1917) — грамадзянскі інжынер, архітэктар[1].

Біяграфія

Скончыў курс Пецярбургскага будаўнічага вучылішча (грамадзянскі інжынер) па 1-м разрадзе ў 1879 годзе. Паступіўшы тады ж на службу, Віктар Іосіфавіч займаў паслядоўна пасады[1]: малодшага інжынера наўгародскага губернскага праўлення, памочніка начальніка дыстанцыі Пецярбургска-Варшаўскай чыгункі (з 1880) і віцебскага гарадскога архітэктара (з 1881). Потым, на працягу трох гадоў (1885-87), быў у праўленні Уладзікаўказскай чыгункі(руск.) бел.[1].

Віктар Іосіфавіч перавёўся на пасаду чарнаморскага акруговага(руск.) бел. інжынера, але, за скасаваннем гэтай пасады, застаўся па-за штатам і прыкамандзіраваўся да Тэхніка-будаўнічага камітэту(руск.) бел. Міністэрства ўнутраных спраў Расійскай імперыі [1].

У жніўні 1889 года яму была даручана пабудова мураваных будынкаў казарм для 10-га драгунскага екацярынаслаўскага палка(руск.) бел. ў Беластоку [2]. Гэту працу ён скончыў у 1891, а потым кіраваў пабудовай драўляных будынкаў казарм для двух палкоў ля ст. «Яблона» Прывіслянскай чыгункі[1].

Творчасць

перабудова дома спадара Равіча пад казармы рэзервнага батальёна і дома спадара Рызы для афіцэрскага сходу[1]
півавараны завод у Чашніках[1]
рэканструкцыя касцёла Святой Варвары на 1000 чалавек у Віцебску (1884-85)[1][3]
рэканструкцыя Віцебскага гарадскога тэатра (1882)[3].
казармы ў варшаўскіх Празе і Макотаве(руск.) бел., у Яблонне(польск.) бел., Беластоку і Астрогу.
казармы для кадэцкага корпуса(польск.) бел. ў Варшаве (стварыў праект, за будаўнічымі працамі назіраў Генрых Гай)

Зноскі

1 2 3 4 5 6 7 8 Барановский Г.В. Юбилейный сборник сведений о деятельности бывших воспитанников Института гражданских инженеров (Строительного училища) 1842-1892. С. 268-69 (руск.)
↑ Віктар Іосіфавіч Піятроўскі на сайце Radzima.org
1 2 Піятроўскі Віктар Іосіфавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Літаратура

Піятроўскі Віктар Іосіфавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Wielka Ilustrowana Encyklopedia Gutenberga (1934-1939)
Барановский Г.В. Юбилейный сборник сведений о деятельности бывших воспитанников Института гражданских инженеров (Строительного училища) 1842-1892. С. 268-69

Спасылкі

На Вікісховішчы ёсць медыяфайлы па тэме Віктар Іосіфавіч Піятроўскі