Відомец балотны[3][4] (Parnassia palustris) — шматгадовая травяністая расліна сямейства Брызглінавыя (Celastraceae).
Відомец балотны, сярдзечнік[5][6], відомец[7], мужчынскі сярдзечнік[8].
Вышыня 15—30 см. Лісце суцэльнакрайняе, прыкаранёвае на доўгіх чаранках з сэрцападобнай асновай, у разетцы; сцябловае — сядзячае. Кветкі белыя, адзіночныя на доўгіх кветаносах. Плод — каробачка.
На Беларусі пашыраны на балотах, забалочаных лугах, па берагах рэк, ручаёў. Цвіце ў ліпені — жніўні.
Лекавая і меданосная расліна. Ядавіты.