Вятчынскі сельсавет — былая адміністрацыйна-тэрытарыяльная адзінка ў складзе Жыткавіцкага раёна Гомельскай вобласці. Цэнтр сельсавета — вёска Вятчын.
Створаны 20 жніўня 1924 года ў складзе Жыткавіцкага раёна Мазырскай акругі (да 26 ліпеня 1930 года і з 21 чэрвеня 1935 года да 20 лютага 1938 года). У 1925 годзе ў склад сельсавета ўваходзілі вёска Вятчын, хутары Вялікае Поле, Дробін Лес, Жарванец, Забінне, Заломы, Лескі, Мыкань, Пападзін, Рудня Вятчынская[1]. З 20 лютага 1938 года ў складзе Палескай вобласці, з 8 студзеня 1954 года ў складзе Гомельскай вобласці. 16 ліпеня 1954 года скасаваны, тэрыторыя далучана да Дзякавіцкага сельсавета[2].