Вялі́кія Ві́каравічы[1] (трансліт.: Vialikija Vikaravičy, руск.: Великие Викоровичи) — вёска ў Столінскім раёне Брэсцкай вобласці. Уваходзіць у склад Стружскага сельсавета.
Вёска вядома як мінімум з XVII стагоддзя, знаходзілася ў складзе Рэчы Паспалітай. Пасля Другога падзелу Рэчы Паспалітай у складзе Расійскай Імперыі, з 1795 года вёска ўваходзіць у Столінскую воласць Пінскага павета Мінскай губерні, гаспадарамі зямлі былі Радзівілы. У 1879 годзе згадваецца як вёска, насельніцтва якой адносіцца да Стружскага праваслаўнага прыходу. З 1921 па 1939 год у складзе міжваеннай Польшчы, з 1939 у БССР.