Вялікая Каралінская сінагога, або проста Каралінская сінагога — колішняя сінагога ў Караліне, прадмесці Пінска. Знаходзілася ў цэнтры так званай плошчы Трох сінагог[2], ці Каралінскай плошчы, сфарміраванай на скрыжаванні вул. Пахілай (раней — Школьны завулак, не захавалася[3]), Бутрымовіча (пазней вул. Лазенная, цяпер — вул. Калініна) і Школьнай (раней — вул. Прадоўжана-Школьная, цяпер — вул. Альхоўскіх). Сінагога згарэла ў 1880-я гг.