Вы́вежак — возера ў Гарадоцкім раёне Віцебскай вобласці Беларусі ў басейне ракі Аўсянка, за 25 км у напрамку на паўночны ўсход ад горада Гарадок, за 1,2 км на захад ад вёскі Загуззе.
Плошча паверхні возера 0,14 (0,1[1]) км². Даўжыня 0,5 км, найбольшая шырыня каля 0,21 км. Даўжыня берагавой лініі 1,22 км. Плошча вадазбору 0,16 км². Катлавіна возера выцягнутая ў напрамку з паўднёвага захаду на паўночны ўсход. Берагі нізкія. Вакол возера пойма, на поўначы забалочаная. Возера слаба зарастае.
У паўночнай частцы выцякае рака Кудзінка і злучае возера Вывежак з возерам Мядзесна.