wd wp Пошук: ⬜

Вуліца Залатая Горка

Не блытаць з Залатагорская вуліца (Мінск). У гэтага паняцця ёсць і іншыя значэнні, гл. вуліца Радыстаў. У гэтага паняцця ёсць і іншыя значэнні, гл. Залатая Горка (значэнні). Вуліца Залата́я Го́рка (руск.: улица Золотая Горка) — вуліца ў Першамайскім раёне Мінска [1].

Да Вялікай Айчыннай вайны на месцы вуліцы існавалі Могілкавы і Залатагорскі завулкі. Пасля вайны па колішнім прадмесці Залатая Горка пракладзена новая вуліца, якая мела назву вуліца Радыстаў. У 1987 годзе вуліца перайменавана пад сучасную назву.

Размяшчэнне

Арыентавана з паўднёвага захаду на паўночны ўсход. З’яўляецца працягам вуліцы Румянцава, пачынаецца ад вуліцы Казлова, перасякае Чырваназоркавую вуліцу, з усходняга боку прымыкае Чырваназоркавы завулак, далей з заходняга боку прымыкае бульвар Мулявіна, а з усходняга Берасцянская вуліца, завяршаецца скрыжаваннем з вуліцай Гікалы.

Забудова

№ 4 — Рэспубліканскі шпіталь Дэпартамента фінансаў і тылу Міністэрства ўнутраных спраў Рэспублікі Беларусь.

№ 18 — Сярэдняя школа імя Янкі Купалы № 19 г. Мінска.
№ 18, корпус 1 — Дзіцячая музычная школа мастацтваў № 1 імя Л. Александроўскай (1973, архітэктар Д. Кудраўцаў)[2].

Зноскі

↑ улица Золотая Горка
↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх