«Вечнае ззянне чыстага розуму» (англ.: Eternal Sunshine of the Spotless Mind) — мастацкі фільм 2004 года рэжысёра Мішэля Гондры[en][10]. Галоўныя ролі ў фільме выканалі Джым Керы, Кейт Уінслет, Элайджа Вуд і іншыя.
Нарэшце вынайдзена машына, якая дазваляе пазбавіцца ад любых успамінаў. Джоэль і Клементына вырашаюць выкінуць адзін аднаго з галавы. Але ў памяці Джоэля ўсё яшчэ жывыя самыя пяшчотныя моманты іхніх пачуццяў. Чым менш ён памятае, тым больш кахае. Разумеючы, што ён вельмі кахае Клементыну, Джоэль спрабуе знайсці спосаб, каб вярнуць каханай памяць пра мінулае. Пакуль яшчэ не вельмі позна…[11]
Вядомы амерыканскі кінакрытык Роджэр Эберт адзначыў фільм чатырма зоркамі з чатырох магчымых і занёс у свой спіс «Выдатных фільмаў»[12].
Паводле інфармацыі сайта «Internet Movie Database» фільм быў адзначаны 73 кінаўзнагародамі і яшчэ 111 намінацыямі[13].