wd wp Пошук: ⬜

Веслаў Мысліўскі

Ве́слаў Мыслі́ўскі (польск.: Wiesław Myśliwski; 25 сакавіка 1932, в. Двікозы каля г. Сандамір, Польшча) — польскі пісьменнік.

Біяграфія

Скончыў Каталіцкі ўніверсітэт у Любліне ў 1956 годзе. У 1955—1976 гг. працаваў у Кааператыўным народным выдавецтве ў Варшаве. Прайшоў шлях ад памочніка рэдактара да намесніка галоўнага рэдактара. У 1975—1999 — галоўны рэдактар штоквартальнага часопіса «Regiony», адначасова ў 1993—1999 — галоўны рэдактар выдання «Sycyna».

З 1997 узначальвае журы конкурсу на прысваенне агульнапольскай прэміі імя Аляксандра Паткоўскага ў Сандаміры.

Член Саюза польскіх пісьменнікаў (1971—1983).

Творчасць

У раманах «Голы сад» (1967, экранізацыя «Праз дзевяць мастоў», 1972), «Палац» (1970, экранізацыя 1979), «Камень на камень» (1984, экранізацыя 1995), «Далягляд» (1996) паказаны сялянскай культура як арган, частка нацыянальнай культуры, вясковы свет як свет сапраўдных каштоўнасцей. Аўтар драм «Злодзей» (1973), «Ключнік» (1978), «Дрэва» (1989). Для яго твораў характэрны філасофска-міфалагічнае асэнсаванне рэчаіснасці, паэтычнасць, метафарычнасць, прытчаваць.

Зноскі

↑ Wiesław Myśliwski // Brockhaus Enzyklopädie Праверана 9 кастрычніка 2017.
↑ Wieslaw Mysliwski // Babelio — 2007.
↑ The Fine Art Archive — 2003. Праверана 1 красавіка 2021.
↑ (unspecified title) Праверана 8 мая 2021.

Літаратура

Мысліўскі Веслаў. Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.

Спасылкі

На Вікісховішчы ёсць медыяфайлы па тэме Веслаў Мысліўскі