Веньямін Яфімавіч (Хаймавіч) Нэзлін (руск.: Незлин Вениамин Ефимович; 1894, Колышкі — 1975, Масква) — савецкі вучоны ў галіне тэрапіі. Доктар медыцынскіх навук (1939), прафесар (1951).
Скончыў медыцынскі факультэт МДУ (1919). У 1930-38 асістэнт кафедры тэрапіі 2-га ММІ. У 1939-40 і 1947-50 дацэнт тэрапеўтычнай клінікі ЦІУУ. У 1944-46 галоўны тэрапеўт Варонежскага ваеннага акруга і адначасова загадчык кафедры тэрапіі Варонежскага медыцынскага інстытута. У 1951-59 загадчык кафедры бальнеалогіі і тэрапіі ЦІУ ў Кіславодску. У 1953 знаходзіўся пад следствам па «справе ўрачоў". У 1960-65 загадчык тэрапеўтычным аддзяленнем; у 1965-73 - кансультант НДІ сардэчна-сасудзістай хірургіі і АМН СССР.