«Ведзьміна дастаўка»[8] (яп.: 魔女の宅急便) — поўнаметражны анімэ-фільм 1989 года, створаны японскім мультыплікатарам Хаяо Міядзакі[9].
Кікі — маладзенькая вядзьмарка, якой толькі-толькі споўнілася 13 гадоў. Па правілах усім вядзьмаркам, якія дасягнулі гэтага ўзросту, трэба пажыць сярод людзей пэўны час. Разам са сваім катом Кікі адпраўляецца ў горад, дзе знаёміцца з пекарам. Новы сябар дапамагае юнай вядзьмарцы наладзіць уласную справу — экспрэс дастаўку, з чаго і пачынаецца неверагодная гісторыя шматлікіх знаёмстваў ды выхадак[8].
Паводле інфармацыі сайта «Internet Movie Database» фільм быў адзначаны 4 кінаўзнагародамі[10].