wd wp Пошук: ⬜

Васіль Сяргеевіч Арсеньеў

У Вікіпедыі ёсць артыкулы пра іншых асоб з прозвішчам Арсеньеў. Васіль Сяргеевіч Арсеньеў (вядомыя псеўданімы: А.; А-в, В.; А-ев, В.; Ар-в, В.; Арс., Вас.; Архипов, В.; В.; В. А.; Член кружка; 14 (26) сакавіка 1883, Сафія, Балгарыя — 22 снежня 1947, Парыж, Францыя) — беларускі і рускі юрыст, гісторык і спецыяліст па генеалогіі, архівіст, дзяржаўны служачы[1].

Біяграфія

Быў сынам вядомага дыпламата(руск.) бел. і пляменнікам старэйшага захавальніка(руск.) бел. Аружэйнай палаты Маскоўскага крамля [1].

У 1901 г. скончыў з залатым медалём гімназічны курс Маскоўскага ліцэя цэсарэвіча Мікалая, а ў 1904 г. — юрыдычны факультэт гэтай жа ўстановы. З 1904 г. знаходзіўся на дзяржаўнай службе ў Тульскім губернскім праўленні. У 1908 г. пераведзены ў Віцебск на пасаду саветніка губернскага праўлення.

Быў адным з ініцыятарам стварэння Віцебскай губернскай вучонай архіўнай камісіі і стаў яе першым старшынёй (ён займаў пасаду саветніка Віцебскага губернскага праўлення)[2].

Навуковая дзейнасць

Апублікаваў архіўныя матэрыялы пра знаходжанне ў Віцебску пісьменніка І. І. Лажачнікава(руск.) бел., пра генерала І. Міхельсона; біяграфіі удзельнікаў баёў пад Астроўна(руск.) бел. (Віцебская вобласць) у 1812 годзе і інш. Склаў пакаленны роспіс «Род дваран Арсеньевых, 1389—1901»[1].

Зноскі

1 2 3 Арсеньев, Василий Сергеевич (архивист ; генеалог ; 1883—1947) (руск.)
↑ Самоквасов, В. Я. Архивное дело в России. Кн. 1. С. 36).

Літаратура

Словарь псевдонимов русских писателей, ученых и общественных деятелей. Т. 4 / И. Ф. Масанов. — Москва, 1960.
Личный состав Витебской ученой архивной комиссии к 31 мая 1910 года / В. С. Арсеньев. ― Витебск, 1910.
Падліпскі, А. М., Шумейка, М. Ф. Арсеньеў Васіль Сяргеевіч / А. М. Падліпскі, М. Ф. Шумейка // Архівісты Беларусі: біябліяграфічны даведнік / Камісія па архівах і справаводству пры Савеце Міністраў Рэспублікі Беларусь, БелНДІДАС; склад.: С. У. Жумар, М. Ф. Шумейка; навук. рэд.: У. І. Адамушко, В. У. Бірукова. — Мн.: БелНДІДАС, 2006. — 253 с. — ISBN 985-6733-12-X.
Энцыклапедыя гісторыі Беларусі. У 6 т. Т. 1. — Мінск, 1993.
Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын. — 552 с. — 10 000 экз. — ISBN 985-11-0036-6 (т. 1), ISBN 985-11-0035-8.