wd wp Пошук: ⬜

Васіль Рыгоравіч Шапялевіч

У Вікіпедыі ёсць артыкулы пра іншых асоб з прозвішчам Шапялевіч.

Васіль Рыгоравіч Шапяле́віч (нар. 19 студзеня 1947, в. Блужа, Пухавіцкі раён) — вучоны, доктар фізіка-матэматычных навук, прафесар. Правадзейны член Нью-Ёркскай акадэміі навук (1994).

Біяграфія

Вучыўся ў Блужскай школе. З 1965 па 1970 гады вучыўся ў Беларускім дзяржаўным універсітэце на фізічным факультэце, які скончыў з адзнакай, і размеркаваны на працу ў БДУ.

З 1972 па 1975 гады вучыўся ў аспірантуры БДУ. У 1976 годзе абараніў дысертацыю «Даследаванне структуры і працэсаў пераносу ў вісмуце і яго сплавах пры пластычнай дэфармацыі» на спашуканне навуковай ступені кандыдата фізіка-матэматычных навук па спецыяльнасці 01.04.07 — фізіка цвёрдага цела.

У 1992 годзе абараніў дысертацыю «Мадыфікаванне структуры і ўласцівасцяў паўметалаў і іх сплаваў звышхуткай загартоўкай з расплаву» на навуковую ступень доктара фізіка-матэматычных навук па спецыяльнасці 01.04.07 — фізіка цвёрдага цела.

У 1994 годзе прысвоена званне прафесара.

Падрыхтаваў 13 кандыдатаў навук.

Зноскі

Літаратура

Шапялевіч Васіль Рыгоравіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — С. 375. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.
Шепелевич Василий Григорьевич // Республика Беларусь : энциклопедия : [в 7 т.]. — Минск, 2008. — С. 584.
Шепелевич Василий Григорьевич // Прафесары і дактары навук Беларускага дзяржаўнага універсітэта, 1921—2001 : 80 год. — Мінск, 2001. — С. 310—311.
Шепелевич Василий Григорьевич // Физический факультет / Белорусский государственный университет. — Минск, 2008. — С. 200.

Спасылкі

Шепелевич Василий Григорьевич — http://www.bsu.by/