У Вікіпедыі ёсць артыкулы пра іншых асоб з прозвішчам Усаў. Васіль Міхайлавіч Усаў (1900, в. Краснаполле 2, Магілёўскі павет, Магілёўская губерня, Расійская імперыя (цяпер — Магілёўскі раён, Беларусь) — 4 чэрвеня 1920, Бабруйскі павет) — удзельнік грамадзянскай вайны.
У 1918 г. уступіў у РСЧА. У 1920 камандзір бронемашыны 35-га бронеатрада 16-й арміі. Вызначыўся ў баі 4 чэрвеня 1920 г. у Бабруйскім павеце падчас Майскай аперацыі войск РСЧА. У баі з польскай арміяй яго бронемашына перашкодзіла праціўніку падарваць мост, прыкрыла адыход машын атрада. Калі скончыліся патроны, Усаў закідаў ворага гранатамі і сам загінуў. Пахаваны ў брацкай магіле мемарыяльнага комплекса «Змагарам за Савецкую ўладу» на плошчы Славы ў Магілёве.
У 1921 г. пасмяротна ўзнагароджаны Ордэнам Чырвонага Сцяга[1].