У Вікіпедыі ёсць артыкулы пра іншых асоб з прозвішчам Звераў. Васіль Адрэеевіч Звераў (20 ліпеня 1923, в. Вялікае Кутунава, Скопiнскі раён, Разанская вобласць — 13 кастрычніка 1971, Баранавічы[1]) — Герой Савецкага Саюза, дэпутат Вярхоўнага Савета БССР.
У Чырвонай Арміі з 1941 года, на фронце з 1942 года. Удзельнік вызвалення Украіны, Беларусі, Польшчы, Германіі, фарсіраваў 36 рэк. Вясной 1945 года пераплыў раку Одэр, захапіў катар ворага і пераправіў на ім савецкіх дэсантнікаў на варожы бераг.
Званне Героя Савецкага Саюза атрымаў 29 чэрвеня 1945 года. Пасля вайны жыў у горадзе Баранавiчы, працаваў на мясакамбiнаце. З 1947 года па 1951 год быў дэпутатам Вярхоўнага Савета БССР.
На могілках у 1972 годзе на магіле ўстаноўлены помнік — мармуровая прамавугольная чорнага колеру пліта з фотаздымкам, выявай зоркі, лаўравай галінкі і надпісам: «Герой Савецкага Саюза Звераў Васілій Андрэевіч. 20.07.1923-13.10.1971 г.»[2].