Варся́нка (Dipsacus) — род кветкавых раслін падсямейства Варсянкавыя (Dipsacoideae).
Двухгадовыя, радзей шматгадовыя травяністыя расліны. Вышыня да 50—200 см. корань стрыжнёвы. Сцябло прамое, рабрыстае, шыпаватае, зверху галінастае. Прыкаранёвае лісце падоўжанае, адваротнаяйцападобнае, кароткачаранковае, сабранае ў разетку, сцябловае са зрослымі асновамі. Кветкі дробныя, у галоўчатых суквеццях. Плод — сямянка.
У родзе каля 20 відаў, пашыраных у Міжземнамор’і, Паўднёвай і Усходняй Азіі, Паўночнай Афрыцы. На тэрыторыі Беларусі як дэкаратыўныя расліны інтрадукаваны варсянка пасяўная, або варсавальная шышка (Dipsacus sativus) і варсянка разрэзаная (Dipsacus laciniatus).