У Вікіпедыі ёсць артыкулы пра іншых асоб з прозвішчам Токарава. Валянціна Яўгенаўна Токарава (нар. 13 жніўня 1941, в. Клімаў Лог, Мінская вобласць) — беларускі архітэктар.
Скончыла Беларускі політэхнічны інстытут у 1968 годзе. З 1968 года — архітэктар, старшы архітэктар, кіраўнік групы архітэктараў у БелНДІПгорадабудаўніцтва.
Член Саюза архітэктараў СССР з 1977 года. Пражывае ў Мінску.
Асноўныя працы: генпланы Валожына (1971), Лунінца (1973), Ганцавічаў (1974), Мар’інай Горкі (1975), Талачына (1976), Мёраў (1980), ПДП жылых раёнаў у Полацку (1977), Баранавічах (1979), Віцебску (1982); у аўтарскім калектыве: ПДП жылых раёнаў у Бабруйску (1969), праект рэгенерацыі цэнтра Полацка (1985).