wd wp Пошук: ⬜

Вальтэр Баадэ

У Вікіпедыі ёсць артыкулы пра іншых асоб з прозвішчам Баадэ.

Вальтэр Баадэ (ням.: Walter Baade; 24 сакавіка 1893, Шротынгхаўзен, Германія — 25 чэрвеня 1960, Гётынген) — нямецкі астраном і астрафізік.

Біяграфія

Вальтэр Баадэ, сын настаўніка, скончыў школу ў 1912 годзе, пасля вывучаў ва універсітэтах Мюнстэра і Гётынгена матэматыку, фізіку, астраномію і геафізіку. Па заканчэнні Гётынгенскага ўніверсітэта (1918) быў прыняты на працу ў абсерваторыю Гамбургскага ўніверсітэта. Яго працы былі прысвечаны каметам, астэроідам, пераменным зоркам. Працуючы ў астранамічнай абсерваторыі, 30 кастрычніка 1920 ён здзейсніў адкрыццё астэроіда Ідальга, а 23 кастрычніка 1924 адкрыў астэроід (1036) Ганімед. Да 1931 працаваў у Гамбургу. Астэроід (966) Мушы, адкрыты ў 1921 годзе, названы ў гонар жонкі астранома.

У 1919—1931 працаваў на Гамбургскай абсерваторыі. З 1931 па 1958 жыў у ЗША і працаваў на найбуйнейшых тэлескопах Маўнт-Вілсанаўскай і Маўнт-Паламарскай абсерваторый. У 1943 годзе Баадэ ўдалося раскласці на зоркі цэнтральную частку спіральнай галактыкі Андрамеды і яе спадарожніка — эліптычную галактыку.

Зноскі

1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
1 2 3 4 5 Walter Baade Papers: Finding Aid — Бібліятэка Ханцінгтана.
↑ Baade, Wilhelm Heinrich Walter — Springer, 2007. — P. 73.
↑ NNDB — 2002.

Спасылкі

На Вікісховішчы ёсць медыяфайлы па тэме Вальтэр Баадэ