Валерый Барысавіч Таранчук (нар. 25 мая 1948, г. п. Іванава, Брэсцкая вобласць) — беларускі матэматык. Доктар фізіка-матэматычных навук (1992), прафесар (2011).
Скончыў Маскоўскі дзяржаўны ўніверсітэт імя М. В. Ламаносава (спецыяльнасць «Механіка», 1971), Інстытут прыкладной матэматыкі АН СССР (аспірантура, 1975).
Працуе ў Беларускім дзяржаўным універсітэце (з 1974, загадчык лабараторыі лікавага мадэлявання НДІ прыкладных фізічных праблем, з 1998 — прафесар кафедры тэарэтычнай механікі і робататэхнікі механіка-матэматычнага факультэта, з 2000 — прафесар кафедры камп’ютарных тэхналогій і сістэм факультэта прыкладной матэматыкі і інфарматыкі, у 2000—2016 — загадчык кафедры).
Навуковыя інтарэсы: прыкладная матэматыка; матэматычнае мадэляванне; тэарэтычная і прыкладная механіка; інфарматыка; інфарматызацыя адукацыі.