Валдайскі раён (руск.: Валда́йский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у складзе Наўгародскай вобласці Расійскай Федэрацыі. Адміністрацыйны цэнтр — горад Валдай.
Плошча — 2.701,63 км². Вышэйшы пункт раёна — пагорак ля сяла Зімагор’е, за 2 км на паўднёвы ўсход ад горада Валдай.
Раён размешчаны ў паўднёва-ўсходняй частцы Наўгародскай вобласці. На поўначы Валдайскі раён мяжуе з Красцецкім і Акулаўскім, на паўднёвым усходзе — з Дзямянскім раёнамі Наўгародскай вобласці, на ўсход ад яго размешчаны Балагоўскі раён Цвярской вобласці.
У раёне налічваецца каля 100 азёр, у тым ліку, Валдайскае возера. Вышэйшы пункт раёна 296 м — гара Рыжоха ля аднайменнай вёскі, размешчанай ля паўночнага падножжа ўзгорка, за 7 км на поўнач ад возера Вяллё.