Бяро́завы Стары́к — возера ў Нараўлянскім раёне Гомельскай вобласці Беларусі ў басейне ракі Прыпяць, прыкладна за 6 км у напрамку на паўднёвы ўсход ад горада Нароўля, за 3 км на ўсход ад вёскі Канатоп.
Плошча паверхні возера 0,28 км². Даўжыня 3,85 км, найбольшая шырыня 0,12 км. Катлавіна возера старычнага тыпу, на пойме ракі Прыпяць, моцна выцягнутая і выгнутая ў форме сярпа. Берагі высокія. Паўночны бераг забалочаны. Пратокамі возера злучаецца з ракой Прыпяць