Бурэмскія — княжацкі род. Мяркуецца, што родапачынальнік — пінскі князь Канстанцін Нарымонтавіч, пазбаўлены Пінска вялікім князем літоўскім Жыгімонтам Кейстутавічам (1432—1440). Мабыць, ён тоесны князю Канстанціну — паслу ў 1431 годзе да Ягайлы ад вялікага князя Свідрыгайлы, ад якога, відаць, атрымаў маёнтак Бурэмля (адсюль прозвішча; цяпер Баромель каля г. Дубна ў Луцкім павеце).