Брызглінакветныя (Celastrales) — парадак двухдольных раслін.
Выдзелена 12 сямействаў, звыш 2000 відаў, пашыраных па ўсім зямным шары, асабліва ў тропіках.
Дрэвы, кусты, радзей травяністыя расліны з чаргаваным або супраціўным простым, эвычайна суцэльным лісцем з дробнымі прылісткамі або без іх. Кветкі невялікія, зеленаватыя ці белаватыя, правільныя, у цымозных або рацымозных суквеццях; для кветак характэрны добра развіты нектарны дыск. Пялёсткі свабодныя ці зрэдку зрослыя. Гінецэй з 2—5 або больш глыбаказрослых пладалісцікаў. Завязь верхыяя ці амаль паўніжняя, з перавернутымі семязародкамі. Плод — каробачка, касцянка, ягада. Насенне з мясістым эндаспермам.