Сэр Бен Кінгслі (англ.: Ben Kingsley; сапраўднае імя Крышна Панда Бханджы, англ.: Krishna Pandit Bhanji; нар. 31 снежня 1943) — брытанскі акцёр.
Бен Кінгслі нарадзіўся 31 снежня 1943 года ў Скарбора, графства Іаркшыр. Бацька — урач Рахімтула Харджы Бханджы, гуджарацкага паходжання з Кеніі (у сваю чаргу яго бацька паходзіў з вострава Занзібар); маці — брытанская актрыса і мадэль Ганна Ліна Мэры Гудман, яўрэйскага паходжання[4]. Сваю кар’еру пачаў з тэатральнай сцэны. Па парадзе бацькі ўзяў мілагучны сцэнічны псеўданім. З 1967 года член трупы Каралеўскага Шэкспіраўскага тэатра. Першая роля ў кіно — у фільме «Страх адкрывае дзверы» (1972). Пасля гэтага здымаецца ў тэлесерыялах. У 1982 годзе сыграў у карціне Рычарда Атэнбора «Гандзі», за ролю ў якой быў ганараваны прэміі «Оскар».
Апроч гэтага, намінаваўся на «Оскар» у 2002 годзе за ролю ў фільме «Сексуальнае стварэнне» і праз год за ролю ў фільме «Дом з пяску і смугі».
У 2000 годзе быў узнагароджаны Ордэнам Брытанскай Імперыі.