wd wp Пошук:

Бена Шолта

Бена Шолта, нямецкі варыянт — Бена Шольцэ (в.-луж.: Beno Šołta, ням.: Benno Scholze, 16 кастрычніка 1891, Радзібор, Лужыца, Германія14 жніўня 1968, Дрэздэн, ГДР) — каталіцкі святар, перакладчык, пісьменнік і грамадскі дзеяч.

Біяграфія

Нарадзіўся 16 кастрычніка 1891 года ў сям’і выкладчыка гімназіі ў Радворы. Скончыў сярэднюю сербалужыцкую школу, пасля чаго з 1907 па 1915 год навучаўся ў Лужыцкай семінарыі ў Празе, дзе таксама з 1912 года навучаўся ў Маластранскай гімназіі. У 1915 годзе ўступіў у сербалужыцкую культурна-асветніцкую арганізацыю «Маціца сербская». У 1916 годзе быў пасвечаны ў святара, пасля чаго служыў у парафіі ў Лейпцыгу. У 1920-я гады працягнуў сваё навучанне ў Лейпцыгскім універсітэце ў класе прафесара Мацея Муркі. Разам з Юрыем Гаўштынам Шветлікам займаўся перакладам Бібліі на верхнялужыцкую мову.

У 1926 годзе быў прызначаны настаяцелем у Маркранштадце, дзе служыў да 1938 года. З 1938 па 1941 год быў настаяцелем у Пірне. Дапамагаў польскім рабочым, за што быў арыштаваны ў 1941 годзе па так званай «справе настаяцеляў» і адпраўлены ў канцэнтрацыйны лагер Дахаў, дзе прабыў да канца Другой сусветнай вайны. У 1945 годзе вярнуўся ў Пірну, дзе служыў настаяцелем да выхаду на пенсію ў 75-гадовым узросце. У 1945 годзе разам з Янам Цыж-Гайнічанскім удзельнічаў у арганізацыі Лужыцкасербскага нацыянальнага камітэта. У 1972 годзе быў удастоены пасмяротна прэміі імя Якуба Чышынскага.

Сачыненні

Літаратура

Тэмы гэтай старонкі (13):
Катэгорыя·Памерлі ў 1968 годзе
Катэгорыя·Члены Маціцы серба-лужыцкай
Катэгорыя·Нарадзіліся ў Саксоніі
Катэгорыя·Нарадзіліся ў 1891 годзе
Катэгорыя·Памерлі ў Дрэздэне
Катэгорыя·Каталіцкія святары
Катэгорыя·Нарадзіліся 16 кастрычніка
Катэгорыя·Вікіпедыя·Пісьменнікі без мовы твораў
Катэгорыя·Асобы
Катэгорыя·Верхнялужыцкія пісьменнікі
Катэгорыя·Пісьменнікі паводле алфавіта
Катэгорыя·Памерлі 14 жніўня
Катэгорыя·Лаўрэаты прэміі імя Якуба Чышынскага