wd wp Пошук: ⬜

Беларускі інстытут стратэгічных даследаванняў

Белару́скі інстыту́т стратэгічных дасле́даванняў (БІСД) (руск.: Белорусский институт стратегических исследований, БИСИ) — дзяржаўная навукова-даследчая ўстанова, падпарадкаваная Прэзідэнту Рэспублікі Беларусь [1][2].

Гісторыя

БІСД з’яўляецца «фабрыкай думкі» («Think Tank»), заснаванай Прэзідэнтам Рэспублікі Беларусь 12 лютага 2019 года на базе Інфармацыйна-аналітычнага цэнтра (ІАЦ) пры Адміністрацыі прэзідэнта Рэспублікі Беларусь у мэтах інфармацыйна-аналітычнага забеспячэння дзейнасці дзяржаўных органаў і службовых асоб па стратэгічных напрамках знешняй і ўнутранай палітыкі[3]. Акрэдытаваны Дзяржаўным камітэтам па навуцы і тэхналогіях Рэспублікі Беларусь і Нацыянальнай акадэміяй навук Беларусі як навуковая арганізацыя.

Дзейнасць

аналіз стану ўнутрыпалітычных працэсаў у краіне, міжнародных адносін, геапалітычных зменах у глабальным, рэгіянальным і субрэгіянальным аспектах;
інфармацыйна-аналітычнае забеспячэнне Прэзідэнта Рэспублікі Беларусь, Адміністрацыі Прэзідэнта Рэспублікі Беларусь, Дзяржаўнага сакратарыята Савета Бяспекі Рэспублікі Беларусь, Савета Міністраў Рэспублікі Беларусь і іншых дзяржаўных органаў па стратэгічных напрамках знешняй і ўнутранай палітыкі;
падрыхтоўка рэкамендацый, накіраваных на ўдасканаленне правядзення дзяржаўнай палітыкі ў розных галінах, праца ў інфармацыйнай сферы, у тым ліку па ўмацаванні аўтарытэту Рэспублікі Беларусь у свеце;
узгадненне распрацоўваемых дзяржаўнымі органамі дакументаў стратэгічнага планавання: дактрын, канцэпцый, стратэгій;
правядзенне навуковых даследаванняў стану, тэндэнцый развіцця знешнепалітычных і ўнутрыпалітычных працэсаў, у тым ліку фундаментальныя і прыкладныя даследаванні;
распрацоўка рэкамендацый па выкарыстанні вынікаў навуковых даследаванняў і садзейнічанне іх практычнаму ўкараненню;
узаемадзеянне з навуковымі арганізацыямі, аналітычнымі інстытутамі і цэнтрамі, установамі вышэйшай адукацыі па пытаннях развіцця навуковых даследаванняў і падрыхтоўкі навуковых работнікаў вышэйшай кваліфікацыі;
арганізацыя навуковых мерапрыемстваў, у тым ліку канферэнцый, сімпозіумаў, семінараў.

Кіраўніцтва

Дырэктар — Алег Сяргеевіч Макараў[4]
Намеснік дырэктара — Юрый Віктаравіч Пракопаў
Намеснік дырэктара — Таццяна Аляксандраўна Шэндзік

Зноскі

Спасылкі

Афіцыйны сайт