У Вікіпедыі ёсць артыкулы пра іншых асоб з прозвішчам Міхайлаў. Барыс Аляксандравіч Міхайлаў (24 мая 1923, в. Мянькова, Пскоўская губерня — 3 ліпеня 1944, Лагойскі раён) — Герой Савецкага Саюза (1944)[1].
Скончыў 9 класаў. У Вялікую Айчынную вайну на фронце з 1941 года. Званне Героя Савецкага Саюза атрымаў у 1944 годзе за праяўлены гераізм пры фарсіраванні Дняпра. 3 ліпеня 1944 года група аўтаматчыкаў на чале з гвардыі лейтэнантам Б. А. Міхайлавым у баі каля Астрашыцкага Гарадка адбіла некалькі атак праціўніка, нанесла значны ўрон варожай пехоце. Б. А. Міхайлаў загінуў у гэтым баі, пахаваны на Вайсковых могілках ў Мінску.
У 1976 годзе вуліца Савецкага раёна Мінска атрымала яго імя, на доме № 1 мемарыяльная дошка.