Бабо́ўскі сельсавет — былая адміністрацыйна-тэрытарыяльная адзінка ў складзе Жлобінскага раёна Гомельскай вобласці. Цэнтр — вёска Бабоўка.
Утвораны 20 жніўня 1924 года ў складзе Жлобінскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Жлобінскім раёне БССР. З 20 лютага 1938 года ў складзе Гомельскай вобласці. 17 жніўня 1962 года скасаваны, тэрыторыя далучана да Стараруднянскага (4 населеныя пункты: вёскі Бабоўка, Баршчоўка, Даліна і Падлессе), Майскага (3 населеныя пункты: вёскі Асінаўка, Лугавая Вірня і Чорная Вірня) і Кіраўскага (вёска Піцераўка) сельсаветаў[1].
На момант скасавання ў склад сельсавета ўваходзілі 8 населеных пунктаў.