Аўсо́віна, Няцеч, канал Аўсовіна — рака ў Слаўгарадскім раёне Магілёўскай вобласці і Кармянскім раёне Гомельскай вобласці Беларусі, правы прыток ракі Сож (басейн Дняпра).
Даўжыня ракі 18 км, з іх 15 км у Кармянскім раёне[2]. Плошча вадазбору 48,5 км². Сярэдні нахіл воднай паверхні 1,4 ‰. Пачынаецца каля вёскі Церахоўка Слаўгарадскага раёна, упадае ў Сож каля вёскі Студзянец Кармянскага раёна. Ад вусця да вёскі Лабыроўка на працягу 5,4 км каналізаваная. Каля вёскі Залатаміно на рацэ сажалка.