Атлусценне, або затлусценне (лац.: adipositas — літаральна: «атлусценне» і лац.: obesitas — літаральна: паўната, адкормленасць) — адклады тлушчу, павелічэнне масы цела за кошт тлушчавой тканкі. Тлушчавая тканка можа адкладвацца як у месцах фізіялагічных адкладаў, так і ў вобласці малочных залозаў, сцёгнаў, жывата.
Атлусценне падзяляецца на ступені (па колькасці тлуставых тканкаў) і на тыпы (у залежнасці ад прычын, якія прывялі да яго развіцця). Атлусценне прыводзіць да рыску ўзнікнення цукровага дыябету, гіпертанічнай хваробы і іншых захворванняў, якія звязаныя з лішкавай вагай. Прычыны лішкавай вагі таксама ўплываюць на раўспаўсюджванне тлуставай тканкі, яе характарыстыкі (мяккасць, пругкасць, колькасць працэнтаў утрымання вадкасці), а таксама на прысутнасць альбо адсутнасць змянення скуры, гэтак званы «цэлюліт».
На 2007 год у Беларусі звыш 25% насельніцтва мелі лішнюю вагу[2].