Тлушчавая тканка
Тлушчавая тканка — разнавіднасць злучальнай тканкі жывых арганізмаў, якая ўтвараецца з мезенхімы і складаецца з тлушчавых клетак - адыпацытаў. Амаль усю тлушчавую клетку, спецыфічная функцыя якой - назапашванне і абмен тлушчу, запаўняе тлушчавая кропля, акружаная абадком цытаплазмы з адсунутым на перыферыю клеткавым ядром. У пазваночных тлушчавая тканка размяшчаецца галоўным чынам пад скурай (падскурна-тлушчавая абалоніна) і ў сальніку, паміж органамі, утвараючы мяккія пругкія пракладкі. У большасці выпадкаў - гэта круглявае, жоўтае жалепадобнае цела.
Асноўнае фізіялагічнае значэнне тлушчавай тканкі: яна засцерагае арганізм ад страты цяпла і нясе функцыю энергетычнага дэпо (пры галаданні колькасць тлушчу ў клетках памяншаецца, пры ўзмоцненым харчаванні - павялічваецца). У водных млекакормячых, якія жывуць у халодных водах Арктыкі і Антарктыкі, пласт падскурнай тлушчавай абалонкі дасягае значнай таўшчыні (у некаторых кітоў - да 50 см).
Літаратура
- Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).
- Kershaw EE, Flier JS (2004). “Adipose tissue as an endocrine organ”. J. Clin. Endocrinol. Metab. 89 (6): 2548–56. doi:10.1210/jc.2004-0395. PMID 15181022.
- Cannon, B; Nedergaard, J Cannon, B; Nedergaard, J (2008). “Developmental biology: Neither fat nor flesh”. Nature 454 (7207): 947–8. doi:10.1038/454947a. PMID 18719573.
- Cinti, S (July 2005). “The adipose organ”. Prostaglandins, leukotrienes, and essential fatty acids (Elsevier Science) 73 (952–3278): 9–15. doi:10.1016/j.plefa.2005.04.010. PMID 15936182.
Катэгорыя·Старонкі з нелікавымі аргументамі formatnum
Катэгорыя·Злучальная тканка
Катэгорыя·Тканкі арганізма