«Астраве́ц сме́рці» (руск.: Островец смерти) ― беларускі кароткаметражны дакументальны фільм, зняты на «Studio Х97» у 2019 годзе.[1][2]
Астравец ― невялікае мястэчка на паўночна-заходняй мяжы Беларусі. 150 кіламетраў ад Мінска і ўсяго толькі 40 ад Вільні. Тэрытарыяльна гэта ― самы цэнтр Еўропы. З 2011 года тут ідзе будаўніцтва Беларускай атамнай электрастанцыі. І ўсе гэтыя гады будаўніцтва суправаджаецца скандаламі, пажарамі, аварыямі і нават смяротнымі выпадкамі. Пратэсты урадаў суседніх Літвы і Польшчы беларускія ўлады лічаць за лепшае элементарна не заўважаць. У Літве на ўсю моц рыхтуюцца да магчымай ядзернай катастрофы. Адпрацоўваецца план эвакуацыі жыхароў сталіцы краіны ― Вільні. Літва закупіла на мільён еўра і бясплатна раздала насельніцтву 4 мільёны таблетак ёду. Ні пра што падобным у Беларусі нават і не чулі. Гэтак жа было напляваць савецкаму кіраўніцтву ў 1986 годзе на людзей у Чарнобылі.