Арман Эмануэль Сафія-Септымані дэ Віньера дзю Плесі, граф дэ Шынон, 5-ы герцаг Рышэльё (фр.: Armand Emmanuel Sophie Septemanie de Vignerot du Plessis, 5eme duc de Richelieu; 25 верасня 1766, Парыж — 17 мая 1822, Парыж) — французскі арыстакрат, які пасля Вялікай Французскай рэвалюцыі паступіў на рускую службу і ў 1804—1815 гг. займаў пасаду генерал-губернатара Наваросіі і Бесарабіі(руск.) бел.. У Расіі яго называлі Эмануіл Восіпавіч дэ Рышэлье. Лічыцца адным з бацькоў-заснавальнікаў Адэсы, дзе яму ў 1828 пастаўлены помнік.
У перыяд Рэстаўрацыі Бурбонаў вярнуўся ў Францыю, дзе займаў пасады міністра замежных спраў (1815—1818) і кіраўніка ўрада Людовіка XVIII (1815—1818, 1820—1821).