У Вікіпедыі ёсць артыкулы пра іншых асоб з прозвішчам Эльтэрман. Аркадзь Барысавіч Эльтэрман (28 жніўня 1931, Менск) — беларускі архітэктар.
Скончыў Беларускі політэхнічны інстытут у 1952 годзе. Працаваў у Белпрампраекце, Белмясцпрампраекце, Мінскпраекце, з 1979 года — галоўны спецыяліст Беларускага філіяла інстытута Дзіпрамяса.
Член Саюза архітэктараў СССР з 1966 года. Пражываў у Мінску.
Асноўныя працы (у аўтарскім калектыве): дывановы камбінат у Брэсце (1962), будынкі Белпрампраекта (1960) і Саюзмаша (1970), дызельны корпус № 2 маторнага завода (1976), рэканструкцыя стадыёна «Дынама» (1980) у Мінску. Аўтар вынаходства прасторавай канструкцыі пакрыцця.
Узнагароджаны двума медалямі ВДНГ СССР (1962, 1974).