У Вікіпедыі ёсць артыкулы пра іншых асоб з прозвішчам Равінскі.
Антон Фёдаравіч Равінскі (13 сакавіка 1952, в. Краглі, Ляхавіцкі раён, Брэсцкая вобласць — 17 студзеня 2018) — беларускі фізік, спецыяліст у галіне фізікі кандэнсаванага стану і фізічнай хіміі. Доктар фізіка-матэматычных навук (1997), прафесар (1999).
Скончыў Мінскі дзяржаўны педагагічны інстытут імя А. М. Горкага (фізіка-матэматычны факультэт, 1972; аспірантура, 1976).
Працаваў у Брэсцкім дзяржаўным універсітэце імя А. С. Пушкіна (з 1977, фізіка-матэматычны факультэт, кафедра агульнай і тэарэтычнай фізікі, прафесар, у 1991—2003 — загадчык кафедры).
Навуковыя інтарэсы: вывучэнне ўласцівасцей высокатэмпературных звышправаднікоў і мультыфероікаў; атрыманне нанаматэрыялаў для сучаснай спінтронікі.