Анемо́граф ці анемарумбо́граф (ад грэч.: άνεμος — «вецер» + румб + грэч.: γράφω — «пісаць») — прыбор для непарыўнага аўтаматычнага запісу скорасці і накірунку ветру.
Вынік паказанняў прыбора на паперы называецца анемаграмай. Валодае функцыямі рэгістрацыі і апрацоўкі дадзеных вымярэння на персанальным камп’ютары, а таксама раздрукоўкі гэтых дадзеных на прынтары. Можа мець дадатковыя модулі для вываду вымераных параметраў на самапісец.