Андрэ Курэж (фр.: André Courrèges; 9 сакавіка 1923, По, дэпартамент Атлантычныя Пірэнеі, Францыя — 8 студзеня 2016, Нёі-сюр-Сен, дэпартамент О-дэ-Сен, Францыя) — французскі мадэльер, заснавальнік моднага дома свайго імя.
У 1949 годзе ўладкаваўся ў дом высокай моды Крыстобаля Баленсіягі, дзе прапрацаваў дзесяць гадоў. У 1961 годзе разам са сваёй будучай жонкай Коклін Бар’ер заснаваў дом высокай моды «Courrèges». Першым з куцюр’е паказаў міні-спадніцы, шорты і жаночыя штаны, стварыў летнія боты, трапецападобную сукенку, прапагандаваў функцыянальны, маладзёжны, футурыстычны і спартыўны стыль у адзенні. Каля 30 гадоў пакутаваў ад хваробы Паркінсона, памёр 8 студзеня 2016 года.