О-дэ-Сен (фр.: Hauts-de-Seine) — невялікі па плошчы, але густанаселены дэпартамент на поўначы цэнтральнай часткі Францыі, у рэгіёне Іль-дэ-Франс. Парадкавы нумар 92. Адміністрацыйны цэнтр — Нантэр. Насельніцтва 1,429 млн чалавек (6-е месца сярод дэпартаментаў, дадзеныя 1999 г.).
Плошча тэрыторыі 176 км². Праз дэпартамент працякае рака Сена.
Дэпартамент уключае 3 акруг, 45 кантонаў і 36 камун.
Дэпартамент О-дэ-Сен быў утвораны ў 1968 г. і ўключыў часткі тэрыторыі былых дэпартаментаў Сена і Сена і Уаза. У ліку іншага тут размешчаны знакаміты раён Дэфанс.