У Вікіпедыі ёсць артыкулы пра іншых асоб з прозвішчам Ціханаў. Андрэ́й Мікала́евіч Ці́ханаў (30 кастрычніка 1906, г. Гагарын Смаленскай вобласці, Расія — 8 кастрычніка 1993) — савецкі матэматык і геафізік. Акадэмік АН СССР (1966, член-карэспандэнт 1939). Двойчы Герой Сацыялістычнай Працы (1953, 1986).
Скончыў Маскоўскі ўніверсітэт (1927). У 1935—1958 у Інстытуце тэарэтычнай геафізікі, з 1953 у Інстытуце прыкладной матэматыкі АН СССР (з 1979 дырэктар). Адначасова ў 1928—1989 у Маскоўскім універсітэце.
Навуковыя працы па вылічальнай і прыкладной матэматыцы, інфарматыцы, матэматычнай фізіцы, геафізіцы, тапалогіі.