Анатоль Сямёнавіч Паламарчу́к[1] (25 мая 1920, вёска Вэрхіўка, Барскі раён, Вінніцкая вобласць — 23 чэрвеня 1979) — беларускі вучоны ў галіне батанікі. Доктар біялагічных навук (1965), прафесар (1966).
Скончыў Маскоўскую сельскагаспадарчую акадэмію ў 1942 годзе. З 1969 года загадчык кафедры Гомельскага дзяржаўнага ўніверсітэта.
Навуковыя працы па марфалогіі, генезісе і тэрагенезісе, біялогіі і экалагічнай радыебіялогіі караняплодаў, фізіялогіі росту раслін, насенняводстве і селекцыі сельскагаспадарчых культур. Кіраваў складаннем гербарыя Палесся (35 тысяч аркушаў).