wd wp Пошук: ⬜

Анатоль Данілавіч Салянікаў

У Вікіпедыі ёсць артыкулы пра іншых асоб з прозвішчам Салянікаў.

Анатоль Данілавіч Саля́нікаў[1] (19 ліпеня 1919, вёска Чурылава, Аршанскі раён, Віцебская вобласць — 8 верасня 2010) — ваенны лётчык, Герой Савецкага Саюза (19.08.1944).

Біяграфія

У 1942 годзе скончыў Энгельскую ваенна-авіяцыйную школу пілотаў. У Чырвонай Арміі з 1941 года. 3 1942 года на Бранскім, 2-м Прыбалтыйскім франтах: капітан, камандзір эскадрыллі штурмавікоў. Зрабіў 115 баявых вылетаў, знішчыў 10 танкаў, 2 бронемашыны, 120 аўтамашын, 18 гармат, 4 вагоны, склад, 6 мінамётаў, 44 павозкі з грузам, больш за 500 гітлераўцаў. Эскадрылля пад яго камандаваннем са студзеня па красавік 1944 года зрабіла 123 баявыя вылеты. Да 1947 года ў Савецкай Арміі, потым да 1981 года на адміністрацыйна-гаспадарчай рабоце.

Зноскі

↑ БелЭн, 2002

Літаратура

Салянікаў Анатоль Данілавіч // Памяць : гісторыка-дакументальная хроніка Оршы і Аршанскага раёна : у 2 кн. / рэдкал.: Г. П. Пашкоў [і інш.]. — Мн., 1999. — Кн. 1. — С. 373.
Салянікаў Анатоль Данілавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — С. 122. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.