У Вікіпедыі ёсць артыкулы пра іншых асоб з прозвішчам Маслакоў.
Анато́ль Васі́левіч Маслако́ў (нар. 2 верасня 1925, в. Дубраўскае Шумілінскага раёна, Віцебская вобласць — 1985) — беларускі партыйны і дзяржаўны дзеяч, старшыня Магілёўскага аблвыканкама (1974—1985), член Прэзідыума Вярхоўнага Савета БССР.
Скончыў Харкаўскі інстытут інжынераў чыгуначнага транспарту (1949), ВПШ пры ЦК КПСС (1964).
З 1949 года працаваў на чыгунцы, з 1953 года дырэктар Чэрнеўскай МТС Магілёўскай вобласці, старшыня Чавускага райвыканкама.
З 1964 года на партыйнай рабоце. З 1967 года сакратар Магілёўскага абкама КПБ. З 1974 да 1985 года — старшыня Магілёўскага аблвыканкама.
Член ЦК КПБ, дэпутат Вярхоўнага Савета БССР у 1959—1963, 1975—1979.
Пахаваны на Машэкаўскіх могілках у Магілёве.