У Вікіпедыі ёсць артыкулы пра іншых асоб з прозвішчам Мінько.
Анатоль Антонавіч Мінько (13 сакавіка 1941, г. Омск-Кіраўск, Омская вобласць, Расія — 4 лютага 2020) — беларускі фізік-оптык. Доктар фізіка-матэматычных навук (1990), прафесар (1993).
Скончыў Беларускі дзяржаўны ўніверсітэт (спецыяльнасць «Фізіка», 1971).
Працаваў у Беларускім дзяржаўным універсітэце (з 1971, Інстытут прыкладных фізічных праблем імя А. Н. Сеўчанкі, лабараторыя оптыкі кандэнсаваных асяроддзяў, у 1978—2005 — загадчык лабараторыі, у 1979—2008 — намеснік дырэктара, з 2008 — фізічны факультэт, кафедра фізічнай оптыкі і прыкладной інфарматыкі, загадчык кафедры).
Навуковыя інтарэсы: фізіка вадкіх крышталяў; спектральныя прыборы; навуковае прыборабудаванне; касмічныя даследаванні.
Званне «Заслужаны дзеяч навукі Рэспублікі Беларусь» (1999) і інш.