Анатоль Аляксандравіч Кілбас (20 ліпеня 1948, Мінск — 28 чэрвеня 2010, Нальчык) — беларускі матэматык. Доктар фізіка-матэматычных навук (1995), прафесар (1997).
Скончыў Беларускі дзяржаўны ўніверсітэт (1971; аспірантура, 1976).
Працаваў у Беларускім дзяржаўным універсітэце (з 1971, механіка-матэматычны факультэт, кафедра тэорыі функцый, прафесар, з 2002 — загадчык кафедры).
Трагічна загінуў 28 чэрвеня 2010 года ў г. Нальчык.
Навуковыя інтарэсы: тэорыя інтэгральных ураўненняў; дробнае інтэгра-дыферэнцыраванне; ураўненні дробавага парадку; інтэгральныя пераўтварэнні са спецыяльнымі функцыямі ў ядрах.